新一代女神江嘉敏
作者: 分类: O生活派 发布于:2020-07-13 浏览(218)
text：孖田｜photo：新传媒资料室
江嘉敏 人气搜寻第1位唔係吹水，《新假期》真係可以话係女神的「育成地」，无论係大台姐仔、有名气的Model，未红前都同我地出过Trip！今年凭大台剧集《亲亲我好妈》火速入屋的江嘉敏，凭剧中角色严茜瑜获提名颁奖礼女配角，入行年资不算长（话晒23岁女咋）。
入大台前，Kaman其实拍过独立电影同港台剧，唔算靓到爆，但顺眼、清纯女学生形象令人形象深刻；刚公布的Google香港2017年热爆搜寻女娱乐名人中，江嘉敏跑出荣登第一名！证明清纯玉女形象係男女通杀！
Kaman 唔係大杀伤力发电机形，但无添加邻家女孩Look真係劲Girlfriendable。回带睇睇，佢同《新假期》去过日本、台湾同马尔代夫，独男们，尽情FF下同女朋友仔去旅行啦喂！
话说Kaman 2014年刚拍过麦曦茵执导的《暧昧不明关係研究学会》及港台剧，开始为大家所认识。闲时也有接Model工作，呢次就第一次同《新假期》来到台湾宜兰住民宿，尽显文青动静皆宜的一面。
睇返辑相，咪以为Kaman日日住靓民宿就好爽皮，其实旅游记者生涯出名地狱（呜呜⋯⋯），Kaman朝朝晨六咁早起身自动波化妆， 由食早餐开始影，Chur 尽一日又转民宿，都未计有两日摄时间太平山国家公园去行山影红叶。不过新入行的她都咁专业，抵佢红！
呢次台湾之行，集中在宜兰好山好水的地方。Kaman 住了3间民宿，中间踩单车（但文章无乜着墨），又去太平山国家公园睇红叶、整温泉蛋，大多数时间就留在民宿影靓相、做访问。
好多Model出trip在镜头前入戏，表现出好味道或者好当地人有互动，但一熄机就唔交戏，继续玩电话对世事不闻不问，但Kaman係少有会enjoy旅行嘅model，所以镜头前后都好易捕捉到佢同当地人倾偈的小动作。
唔係夸张，睇返呢次的报导，因为介绍关西甜品，Kaman几乎每张相都係食食食食食⋯⋯唔停口。镜头之下，当时的记者忆述，Kaman都真係好锺意食甜品，每款都好有兴趣试，绝唔会扮细食懒矜持。但Kaman都好有礼貌、好识做，问过大家影完晒先至开动。（真係有Model为食到相都未影完就食，阻住大家做嘢㗎！）
Kaman在早年的访问有提过，自己好锺意演戏，为咗Casting 同多啲演出经验，平时啲Job无钱都会接。所以记者忆述当时去到日本，Kaman 都唔会疯狂Shopping，可以话係悭家敏一名。但就好爱锡妹妹，唔买嘢俾自己都要买手信俾妹妹！呜呜⋯⋯太令人感动！
再来日本，今次Kaman来拍摄东京爆买家电家品特辑，大部份时间都在室内拍摄，有晒暖气，所以165cm的她都着晒短裤仔大骚长腿。据知Kaman虽然出身小康之家，不过喺屋企都识煮吓饭，对于拍摄时的饭煲呀、焗炉都她有兴趣㗎。
Kaman剧中多数都演清纯学生，今次同《新假期》去东京买家电，要佢扮贤妻都无难到佢，据记者讲有唔少食物都係Kaman帮手处理㗎！
虽然女神IG都有派过吓军粮，有着Sports Bra骚过吓事业线，不过三点式喎！今次去到人生必去的Dream place之一马尔代夫，女神都不介意来点健康性感！当时入住成万蚊晚的Amilla Fushi名贵Resort，一入到二千多呎的私人别墅，Kaman忍不住在房内跑圈兼飞奔上床做金丝雀！
睇片～～下一页：TVB女神Ali李佳芯 回到未红时｜台湾去到南极！Model 年代靓相曝光
延伸阅读：女神视觉 高海宁东京相集｜IG吸Like教学
延伸阅读：「真旅神」6大金句 蒋雅文的旅行之道
签账即享1蚊1里加抽奖送机票！全新DBS Black Card信用卡优惠即睇详情！
成功申请DBS COMPASS VISA即送你ELLE Vortex 24吋铝框行李箱，详情按此！